[ANNALES BOHEMICI]

Anno domini DCCXXV Bonifacius episcopus convertit Theutonicos ad fidem.

DCCCLXXXVII Arnolfus, filius Karolomanni, rex Romanorum, concessit Zvatopluc, regi Morauie, conpatri suo, ducatum Boemie.

Anno DCCC(LXX)XXIIII Borzivoy, dux Boemie, baptisatur a Methudio, episcopo Morauie, cum urore sua Ludmilla.

DCCC(C)I obiit Borziboy, cui succedit filius eius Spitigneus.

DCCC(C)V obiit Spitigneus, cui frater eius Vratizlaus succedit.

DCCC(C)XXI defuncto Vratizlao sanctus Vencezlaus, filius eius, succedit.

DCCCCXXIX sanctus Venceslaus martirio coronatur, cui succedit frater eius Bolezlaus.

DCCCCXXX Saxones prosternunt Sclauorum CXX milia.

DCCCCXXXIII corpus sancti Vencezlay translatum est in Pragam.

DCCCLIII Constantinus Imperator post XLVII annos imperii sui moritur, et hic finis imperatorum Constantinopolitanorum.

DCCCCLXVIII Polonia cepit habere episcopum.

DCCCCLXXII obiit dux Bolezlaus, occisor sancti Vencezlay, cui succedit filius eius Bolezlaus cognomine pius.

DCCCCLXXIIII Pragensis ecclesia cepit habere episcopum nomine Ditmarum.

DCCCCLXX(X)I obiit Zlauik, pater sancti Adalberti.

DCCCCLXX(X)II sanctus Adalbertus in Pragensem episcopum consecratur.

DCCCCXC sanctus Adalbertus episcopus Rome ad sanctum Alexium monachus niger effectus est.

DCCCCXX(XX)III per sanctum Adalbertum monasterium in Brevnov fundatum est et dedicatum.

DCCCCXX(XX)VIII sanctus Adalbertus, Boemorum secundus episcopus, martirio coronatus est; cui Theogadus succedit.

MIIII quinque fratres in Polonia martirisantur.

MXXXIX Brethizlaus dux vastauit Poloniam et transtulit corpus sancti Adalberti in Pragam.

MXLV obiit Guntherus monachus et heremita, sepultus in Brunonia in die beati Dionysii.

MXLIII fames maxima fuit in Bohemia.

MXVII Theogadus, episcopus Pragensis tertius, moritur, cui Echardus succedit IIII^us.

MXXIII obiit Echardus episcopus Pragensis IIII^us, cui Yzo succedit V^us.

MXXX obiit Yzo, cui succedit Severus episcopus VI^us.

MLIII obiit sanctus Procopius abbas.

MLXVII obiit Seuerus, episcopus Pragensis, episcopus VI^us, cui succedit Jaromir, frater ducis Bratizlay, qui et Gebhardus VII.

MLXXI sanctus Stanizlaus Cracouiensis episcopus ordinatur.

MLXXIX sanctus Stanizlaus martirio coronatur.

MLXXXVIII imperator Heinricus quartus ducem Boemie Vratizlaum sublimauit in regem, et iste fuit primus rex in terra Boemie.

MLXXXIX ordo cartusiensis a Brunone incepit sub Victore papa secundo.

MXC obiit Gebbardus, qui et Jaromir, episcopus Pragensis VII, cui Cosmas succedit VIII^us.

MXCI ignotorum vermiculorum prodigium fuit.

MXCII terra sancta per christianos recuperatur.

MXCVII Cistercium fundatur sub Urbano papa II^o.

MXCVIII Cosmas Pragensis VIII^us moritur, cui Hermannus succedit IX.

MXCIX Franci expugnant Iherusalem et vincunt Soltanum.

MCXIII sanctus Bernhardus in Cistercio monachus efficitur.

MCXVIII inundatio aquarum fuit in omni terra.

MCXIX in Boemia ventus magnus mira fecit.

MCXXII Hermannus, episcopus Pragensis, obiit, cui Meinhardus succedit X^us.

Anno milleno centeno bis quoque deno sub patre Rodperto Premonstrati viget ordo.

MCXXXIII Bohemi vastauerunt Poloniam. Eclipsis fuit IIII^o Nonas Augusti.

MCXXXIIII obiit Meinhardus, episcopus Pragensis, cui Johannes succedit XI^us.

MCXXXVI confirmacio ordinis Premonstratensis ab Innocentio papa Pisis.

MCXXXVIIII inventus est homo nomine Johannes, qui CCCLXI annis vixerat, scilicet a temporibus Karoli magni.

MCXXXIX obiit Joannes, episcopus Pragensis XI^us, cui Otto succedit XII^us.

MCXLII bellum factum est inter Boemos et Morauos in Visoca, et ecclesia in... tur.

MCXLIII Guido cardinalis fuit in Boemia.

MCXLVII Cunradus, rex Romanorum, et Vladizlaus, dux Bohemorum, et omnes principes Alemanie Jerosolimam pergunt.

MCXLVIII obiit Otto, episcopus Pragensis, cui succedit Daniel XIII.

MCLI Gracianus monachus decretum conponit et magister Petrus sententias.

MCLIII obiit sanctus Bernhardus.

MCLVIII Fridericus imperator Poloniam ingreditur et Bolezlaum et Mescam vincit.

MCLIX dux Vladizlaus Ratispone in regem coronatur et sic contra Mediolanum preparatur.

MCLXIII rex Vladislaus mittit Theobaldum, fratrem suum, et Fridericum, filium suum, in auxilium Friderici imperatoris Mediolanum, et hic Mediolanum destruitur.