[CRONICA DOMUS SARENSIS MINOR]

[p. 34]

Genealogia fundatorum

Anno domini MCCLI dominus Prsibizlaus in agone in magna deuocione conmisit domino Botschoni, genero suo, fundationem huius monasterii, et quieuit in Christo.

Anno domini MCCLI dominus Botsco comes dictus de Bernek in inuencione sancte crucis iecit fundamenta huius ecclesie, scilicet Sarensis et anno fundacionis quarto obiit ipse summus fundator in vigilia sancti Thome circa annum domimi MCCLV, et reliquit cum consorte sua, filia Pribizlai, Eufemia, duos heredes mares Zmilonem et Gerhardum, et unam filiam Agnetem, quam postea Witigo de Swabniz duxit. Postea in sexto anno felix matrona Sibilla, relicta Prsibizlai, primi fundatoris, postquam omnia sua monasterio legasset preter vnam tunicam, in qua sepulta fuit in presbiterio, quieuit in Christo circa annum domini M^oCC^oLXI^o.

[p. 36] Postea anno domini M^oCC^oLXVIII^o obiit Zmilo, filius Botschonis, et tota cura fundacionis deuoluta est ad Eufemmiam, relictam Botsconis, quia Gerhardus adhuc tenellus fuit. Que residens circa monasterium, omnia, que habere potuit, edificando consumpsit, et propriis manibus in ornatu, ut hodie apparet, multum laborauit, et monachis contemporaneis suis infinita sollacia ministrauit. Tandem plena bonis operibus obiit circa annum domini MCCLXXIX^o.

Postea filius eius Gerhardus intromisit se sicut debebat de fundacione et duxit nobilem uirginem nomine Gutam de Velsperg, ex qua genuit duos filios Botsconem et Zmilonem vltimum heredem fundacionis et mortuus est circa annum domini MCCLXXXXI^o.

Tandem domina Tuta, relicta domini Gerhardi, permanens uidua et tenens bona mariti et nutriens pueros in quarto anno post obitum mariti descessit circa annum domini M^oCC^oXCV^o. Postea ambe filie eius scilicet Eufemia et Agnes obierunt. Obiit ecciam Botsco filius eius, et deuoluta est fundacio ad vltimum heredem Zmilonem, filium Gerhardi, qui intromisit se de fundacione, et non tanta sollicitudine prefuit monasterio sicut predecessores sui. Hic duxit filiam domini Vlrici de Noua domo Annam nomine virginem et decessit iuuenis sine herede, relicto sexo femineo circa annum domini M^oCCCXII etc. (Qui reliquit heredem similiter Botzkouem ex domina Agnete ex genere dominorum de Michalowitz.) Et hic Botzko vltimus [p. 38] sepultus est in sepulcro dominorum fundatorum in antedicto monasterio fontis sancte Marie in Zdyary.

Idem Botzko reliquit filium similiter Botzkouem cognomine antiquum genitum ex domina N. de Roszis, qui fuit primus dominus de Podiebrad, et sepultus est in monasterio canonicorum regularium in Satzka.

Hic Botzko genuit ex domina Anna de Lippa et Duba quatuor filios, Botzkouem Johannem dictum Kostky, Hynckonem, et Victorinum; primi tres decesserunt absque liberis, quartus videlicet Victorinus XXIIII annorum existens defunctus est, relicto Georgio filio et duabus filiabus Elizabeth et Margaretha. Elisabeth nupta est domino Heinrico de Lippa et Duba, Margaretha vero domino Buschkoui de Zeebergk et Plana. Et iste Victorinus expulsit fratres antedicti monasterii in Zdiarij et monasterium totaliter desolatum est.

Georgius vero genuit ex domina Kunegunde de Sternnberg Botzkouem, Victorinum, Heinricum Seniorem, Katherinam, Zdenam et Barbaram. Dominus Botzko sine herede decessit, Katherina Mathie, Hungarie regi, nupta est, Zdena vero, Alberto, duci Saxonie illustri in matrimonium data, Barbara autem domino Heinrico de Lippa et Duba, marschalkoui regni Bohemie copulata. Defuncta vero Khunegunde dominus Georgius predictus duxit dominam Johannam de Roszmithal in coniugem, ex qua genuit Heinricum Juniorem, alias Hynckonem, et Ludimillam, que duci Friderico Legnitzensi nupta est, ex qua genuit tres filios, Johannem, Fridericum et Georgium. Johannes aduc adolescens decessit, [p. 40] alii vero duo, deo fauente, usquemodo in humanis degent.

Georgius vero antefatus primum communi omnium baronum, procerum, nobilium, et ciuitatum et tocius regni consensu in Jubernatorem regni electus, postea in regem Bohemie feliciter vnctus et coronatus est. Et hic Georgius nondum Jubernator, neque rex existens, monasterium predictum in Zdiarii, quod a tempore expulsionis fratrum eiusdem destructum et desolatum erat, denuo redificauit, et quasi de nouo fundauit, introductis illuc fratribus nouis, qui iterum tempore ipsius, expulsi, et per filium eius Heinricum seniorem iterato introducti.

Duci vero Heinrico Seniori illustris domina Vrsula illustrissimi domini Alberti, marchionis Brandemburgensis et principis electoris filia, in matrimonium copulata est, ex qua genuit illustres principes, ducem Albertum, filium suum primogenitum, deinde Georgium, Johannem, qui tenellus decessit, Margaretham, que preclaro domino Ernasto, principi de Anhalt etc. nupta, deinde Karolum, demum Ludwicum, qui similiter tenellus obiit, postea Magdalenam, postremo Zdenam, que domino Vdalrico, comiti de Hardegkh et Glacensi, in matrimonium tradita est.

Predictis vero tribus fratribus videlicet Alberto, Georgio et Karolo tres sorores illustris principis Johannis, Saganie ducis, filie nupte sunt. Duci enim Alberto Salomea, ex qua genuit Vrsulam, filiam suam primogenitam, Georgio vero Hedwigis, ex qua genuit Heinricum, qui eciam [p. 42] tenellus obiit, duci autem Karolo Anna, ex qua genuit Annam, que tenella defuncta est, Katherinam, Margaretham, Joachim, Kunegundim, et Vrsulam, (Heynricum Hedwigim, Georgium I, et Georgium II, qui statim obiit). Quos omnes, qui vsque modo in humanis degent Omnipotens in longeua sanitate optimaque et secunda prosperitate ad diuturna tempora conseruare, defunctis vero per suam graciam et immensam pietatem requiem eternam tribuere dignetur. Amen.

Anno domini millesimo quadringentesimo vicesimo festiuitas sancti Georgii fuit die dominica vicesima tercia mensis Aprilis, in qua natus est serenissimus princeps Georgius rex Bohemie et dominus de Cunstatt etc. hora die i vndecima, minuto tricesimo octauo.

Anno domini millesimo quadringentesimo vicesimo quinto in vigilia s. Elizabeth fuit feria quinta, in qua nata est nobilis et generosa domina Khunegundis de Sternnbergkh hora die quarta minuto quadragesimo quinto.

Anno domini M^o quadringentesimo quadragesimo secundo fuit festiuitas sanctorum Appostolorum diuisionis die dominica, decimaquinta mensis Julii, in qua natus est nobilis et generosus dominus Botzko de Cunstatt et Podiebradt.

Anno domini M^o quadringentesimo quadragesimo tercio feria quarta, in vigilia Ascensionis domini, natus est illustris princeps dominus Victorinus dux Monnsterbergensis.

Anno domini M^o quadringentesimo quadragesimo octauo feria quinta quatuor temporum Penthecosten, que [p. 44] fuit dies sancte Sophie, natus est illustris princeps dux Heinricus Senior, Monsterbergensis hora die decima octaua.

Anno domini M^o quadringentesimo quadragesimo nono feria tercia die s. Martini nate sunt due gemelle Khatherina et Zdena, quarum senior Katherina in successu temporis fuit nupta Mathie, regi Hungarie, et altera iunior Zdena mansit Alberto duci Saxonie. Filii et filie domine Khunegundis de Sternnberg ex rege Georgio.

Anno domini M^o quadringentesimo quinquagesimo secundo feria quarta in vigilia Ascensionis domini natus est illustris princeps, dominus Heinricus iunior dictus Hyncko dux Monsterbergensis.

Anno domini M^o quadringentesimo quinquagesimo sexto nata est domina Ludmilla, ducissa Lignicensis, in die s. Galli. Filius et filia ex rege Bohemie et regina Johanna.

Anno domini M^o quadringentesimo sexagesimo octauo natus est Albertus primogenitus filius Heinrici Senioris, ducis Monnsterbergensis, nocte media, feria tercia, in die Steffani pape et martiris, in castro dicte montis Cunietitz.

Anno domini M^o quadringentesimo septuagesimo feria tercia in crastimo Remigii natus est Georgius, filius supradicti ducis, hora vna post noctis mediam in castro dicte Littitz.

Anno domini M^o quadringentesimo septuagesimo secundo in vigilia Johannis Baptiste natus est Johannes, sepedicti ducis filius, hora secunda noctis, in castro Glacensi feria tercia.

[p. 46] Anno domini M^o quadringentesimo septuagesimo tercio nata est eidem duci primogenita filia nomine Margaretha in festo translacionis sancti Adalberti et s. Hedwigis feria quarta hora vesperarum in castro Koselnsi.

Anno domini M^o quadringentesimo septuagesimo sexto natus est eidem duci filius Karolus nomine, die dominica, Floriani, hora vndecima in castro Glacensi.

Anno domini M^o quadringentesimo septuagesimo octauo natus est supradicto duci filius nomine Ludwicus, feria secunda hora octaua in vigilia sanctorum decem milium martirum in castro Glacensi.

Anno domini M^o quadringentesimo octogesimo 2^o nata est eidem duci filia nomine Magdalena, feria sexta hora decimaseptima, in die conuersionis sancti Pauli, in castro Glacensi.

Anno domini M^o quadringentesimo 83^o feria tercia in die sancti Erasmii hora 20^ma nata est eidem filia nomine Zdena in castro Glacensi.

Anno domini millesimo quadringentesimo nonageismo in vigilia Philippi et Jacobi, que fuit feria sexta, natus est nepos primus ducis Heinrici senioris Heinricus nomine, filius Georgii ducis in castro Glacensi hora vndecima.

Anno domini M^o quadringentesimo nonagesimo octauo nata est illustri principi domino Alberto duci Monnsterbergensi etc. primogenita filia nomine Vrsula die s. Steffani prothomartiris, hora vndecima, que fuit feria tercia, in castro Olsnensi, primogenita neptis Hein[p. 48]rici ducis senioris Monsterbergensis, et confirmata est p. V. p. dominum Johannem episcopum Cisicensem in monasterio monialium s. Katherine Wratislauie M^o quingentesimo primo.

Anno domini M^o quadringentesimo nonagesimo nono feria sexta ante natiuitatem Marie, que fuit dies sexta mensis Septembris, mane post horam vndecimam, nata est primogenita filia illustris principis, domini Karoli, ducis Monsterbergensis nomine Anna. Et anno domini M^o quingentesimo secundo confirmata est per Ve. p. d. Johannem, episcopum Cisicensem, in capella castri Olsnensis feria saxta in die s. Erasmi.

Anno domini M^o quingentesimo jubileo in crastino sancti Mauricii, feria quarta, nata est secunda filia nomine Katherina eiusdem ducis Karoli in arce Glacensi infra horam septimam et octauam, et anno domini millesimo quingentesimo secundo confirmata est per V. p. d. episcopum Cisicensem in capella Olsnensis castri feria sexta in die s. Erasmi.

Anno domini millesimo quingentesimo secundo in die s. Johannis Evangeliste, que fuit feria secunda, nata est tercia filia eidem duci Karolo nomine Margaretha in castro Olsnensi infra horam octauam et nonam mane.

Anno domini millesimo quingentesimo tercio infra horam vicesimam primam et vicesimam secundam natus est illustri principi, domino Karolo, duci Monsterbergensi, Sleszie, Olsnensi, comiti Glacensi, primogenitus filius nomine Ioachim, decima octaua die mensis Januarii, que fuit feria quarta, ipso die s. Prisce virginis in castro Olsnensi.

[p. 50] Anno domini M^o quingentesimo quarto feria quarta mane ante Michaelis post horam decimam, nata est eidem duci Karolo filia quarta nomine Khunegundis in castro Olsnensi, festum autem sancti Michaelis erat die dominico.

Anno domini millesimo quingentesimo quinto feria quarta in vigilia s. Barbare virginis ante horam tredecimam nata est eidem duci Karolo filia quinta nomine Vrsula in castro Olsnensi.

Anno millesimo quingentesimo septimo secunda feria post palmarum, que fuit vicesima nona dies Marcy, natus duci Karolo secundus filius nomine Heinricus mane hora decima in castro Olsnensi.

Anno domini millesimo quingentesimo octauo in crastino sancti Barnabe, que fuit feria secunda Penthecosten, infra vicesimam secundam et vicesimam terciam nata est eidem duci Karolo filia nomine Hedwigis in castro Olsnensi.

Anno domini millesimo quingentesimo nono die dominica post omnium Sanctorum, que fuit dies quarta Nouembris, hora tercia noctis sequentis, natus est prenominato duci Karolo tercius filius nomine Johannes in castro Olsnensi, quod festum omnium sanctorum fuit feria quinta.

Anno domini millesimo quingentesimo vndecimo feria tercia, in profesto sancte Agate, hora quinta noctis sequentis, nata est eidem duci Karolo septima filia nomine Barbara in castro Olsnensi et per reverendissimum in Cristo patrem, dominum Johannem Thurszo, tunc temporis episcopum Wratislawiensem, dominica die festo sancte Appolonie [p. 52] Wratislauie baptisata, et ab illustrissima principe, domina Anna, serenissimi domini Wladislai, Hungarie et Bohemie regis, filia, demum et (per ?) generosum dominum Zdenkonem dictum Leo de Roszmital, supremum burggrabium Pragensem, et Moysen, antefati regis Wladislai magistrum curie Hungaricalis necnon prefate domine Anne magistram curie et per dominam Cristinam de Menholdt, Johannis Borzitha de Bistrzize coniugem, e sacro fonte leuata.