[1557 - PRAHA]

Status personarum collegii Pragensis

2 augusti 1557

Hi sunt mansuri Pragae

1. Mr. Ursmarus [Goisson] rector.

2. Mr. Henricus [Blyssemius] lector theologiae.

3. Mr. Hurtadus [Pérez] legit Caesarium, confessarius domesticorum.

4. Mr. Gerardus [Werten] rhetoricus et graecus.

5. Baltasar [Sammereier] praeceptor classium.

6. Bartholomeus [Bedula] praeceptor classis.

7. Gaspar Griger audiet humaniora privatim et se exercebit in concionibus boëmicis.

8. Urbanus [Ziffel] sclavo praeceptor classis.

9. Petrus [Vojvodiƒ] praeceptor classis.

10. Ioannes Roan audiet humaniora privatim.

11. Blasius [Montanuccio] credentiarius et olitor.

12. Catherinus sacristanus.

13. Andreas [Broch] cocus.

Venturi ex Vienna

14. Wolfangus maximus [Sylvius] pro cursu philosophiae loco Floriani.

15. Thomas [Zdelariƒ].

Optaremus ut ex Urbe nobis statim vel etiam mitterentur aliunde

16. Mr. Tarquinius qui legeret cursum artium vel etiam aliquis alius, si non magis saltem non minus doctus eo, qui posset post aliquod temporis allis discipulis incipere similiter legere cursum.

17. Balthasar [Hostovinus] boëmus qui et audiret cursum et contionaretur boëmice; quod et regi gratissimum et toti civitati pragensi esset.

18. Vincislaus [Sturm] qui vel praeesset quartae classi vel etiam audiret cursum philosophiae, quod esset gratius si fieri posset.

19. Valentinus [Voit] qui vel tertiae vel quartae classi praeesset, pro istis enim duabus egemus praeceptoribus; classes autem ipsae non sunt absimiles ab illis viennensibus.

20. N. mittendus esset etiam huc si Vincislaus [Sturm] deberet audire philosophiam, qui praeesset tertiae vel quartae classi puerorum, sciretque aliquid ex boëmica lingua, aliquid germanica. Quod si non inveniatur pro tertia, egemus certe pro quarta Valentino [Voit] qui, ut arbitror, facere posset satis. Pro tertia autem uteremur Gasparo Grigerio donec alius inveniretur aptior. Omnes ferme sunt infirmi, saltem in modo docendi. Praeter eos [qui] sunt superiorum classium.

28. N. 8 praeterea studiosi ex nostris fratribus diversarum nationum probati virtute moribusque ac constantia et bene in humanioribus docti qui dent operam artibus sub eo praeceptore vel praeceptoribus quos secum tulerint, possintque aliquando declamare etc.

30. N. sartor et sutor. Sunt hic valde necessarii ad tempus. Saltem sutore, si fieri posset, non libenter careremus.

Qui mittendi essent in alia loca

1. P. Lucas [Molitoris] in Oitben ad illud monasterium cum Cornelio [Brogelmans] qui revocandus esset ex Ingolstath.

2. Florianus [Sylvius] Viennam studiosus rhetoricae et concionatur egregie.

3. Urbanus minor [Ziffel] philosophus esset et pro cursu

4. Adamus [Höller] viennensis pro rhetorica

5. Ioannes Iudex grammaticus

/in Italiam./

Adolescentes isti tres sunt optimae spei germani et possent esse ex numero illorum 10 quos Vienna vellet alere Romae.

6. Georgius [Iacobi] boëmus grammaticus mittendus Romam ut annumeretur boëmis quos rex omnino Deo dante vult alere Romae.

7. Mr. Petrus Sylvius videbatur mittendus Ingolstadium ut daret operam theologiae; non enim iudicatur modo aptus ad aliud donec forte moderate studens nullisque aliis rebus gravioribus vacans fieret fortior valetudine robustiorque corpore. Modo infirmatur. Loco eius fortasse huc advocabimus Adalbertum [Bauzeck] ut cum aliis duobus boëmis non infimae spei qui cupiunt recipi in Societate, loco illorum trium quos petimus, mittamus Romam. Nullus autem huc mittendus erit boëmus qui non sit bene probatus et constans admodum; quod eis periculum non minimum, ut intelligo, ab externis immineat, quod vix praecaveri potest.

Sententia D. Henrici [Blyssemius] de praeceptoribus philosophiae, quales esse deberent

Puto illos debere esse valde facundos et in docendo methodicos prae ceteris omnibus. Alioquin a tali studio pragenses auditores abhorrent nisi valde perspicue tradantur quae obscura et hic plane neglecta sunt. Haec ille.

Egemus igitur uno vel altero praeceptore pro classibus inferioribus; multo magis e is qui cursum artium sint auspicaturi qui et doctrina et virtute non vulgari praediti esse debent, si hanc patriam iuvare velimus in rebus etiam quae ad spiritum spectant. Praeterea vellemus, si id gratum sit Patri nostro Vicario etc., habere decem qui darent operam philosophiae, nominatos et innominatos in prima columna. Et sic essent hic numero triginta fortes domus Domini, donec res huius collegii melius sint accommodatae circa res temporales praecipue. Humilime Reverendam Paternitatem Tuam oramus ut, si hoc videret expedixe in Domino, nulla sit mora in expeditione.