[1562-01-02 - PRAHA]

Catalogus personarum collegii Pragensis

2. Ianuarii 1562

Cathalogus descriptiones patrum ac fratrum collegii pragensis continens

D. Christianus Rivius Halverius, annorum forte 30, matrem habet superstitem. In Societate fuit ultra 5 annos, vota habuit 5 annis. Professus est ultra mensem, concionator, professor et confessarius. Corpore non omnino robustus, conscientia tam propria quam aliena valde scrupulosus.

P. Ludovicus Bacrelius flander, annorum 25, parentibus orbatus, in Societate 4 annis, in votis ultra 3 annos fuit, de patrimonio in Societatis usum conferendo iam tractat. Corpore robustus, in vocatione solidus, ad conversandum aptus, philosophiae mediocriter doctus, iam collegii ministrum agit. Vocem habet ita debilem ut ultra horam unam difficulter in schola legere possit. Graviter audit. Natura valde liber et loquax est.

P. Balthasar [Sammereier] pharkirchensis bavarus, 24 annorum, patrem habet vivum, in Societate 6 annis, ac paulo minus in votis fuit. De haereditate nihil adhuc statuere potest. Laborat pectoris vitio. In vocatione hactenus instabilis, nunc maiorem constantiam promittit. Studiis vehementer addictus est. Legit in schola duas lectiones. Cantui praeest. Audit confessiones bohemicas.

M. Robertus Gyrulius leodiensis, annorum 24, patrem habet superstitem, in Societate 4 annis, in votis 2 fuit. Corpore sanus est, nisi quod ruptura et oculorum debilitate laboret. In dies humilitate ac spiritu magis proficit.

M. Wolffgangus [Maria Gingalius] tinensis bohemus, annorum 25, matrem habet, in Societate ultra 6 annos, et in votis per 4 annos et medium fuit. Sanus videtur, nisi quod morbo quodam caduco laboret, quamvis raro et brevi temporis spacio. Spiritu proficit. Legit duas lectiones in classe humanitatis et collegio novo praeest.

M. Petrus [Hugo] hamersfordiensis annorum 22, in Societate 6 annis, in votis 4 fuit. Corpore utcumque robustus. In graecis valet et aliis prodest. [321v]

M. Gulielmus Hipsi leodiensis, forte 18 annorum, matrem habet, in Societate per duos, in votis per unum et medium annum. Corpore non omnino robustus. Rhetoricam profitetur.

M. Petrus [Vojvodiƒ] schlavus, annorum forte 28, parentes habet. In Societate 6 annis vel amplius paulo. In votis 4. Corpore sanus est, nisi quod pedes non omnino integros habat. Classem minorem grammatices gubernat, sed observatione perpetua indiget, quia non soleat se intra obedientiae limites continere.

M. Michael Tolmainer carniensis, annozum forte 23, in Societate 5 annis, in votis 4 fuit. Corpore sanus, in vocatione solidus est.

Alexander [Voit] pragensis, annorum 17, matrem habet viduam, fratrem in Societate P. Valentinum. In Societate ultra annum, in votis per semestre. Ingeniosus, practicus, ad Societatis officia multa idoneus et facilis. Maiori iam quam solebat, alacritate studet, sacristiae praeest.

Blasius Montanutius montelovesko, annorum forte 24, patrem habet superstitem. In Societate 7 annis. Patrimonium quod aestimare nescit, obedientiae committit. Non est omnino sanus. Pannorum curam habet et domesticus coadiutor est. In conversatione durus, sed in vocatione solidus.

Iacobus Seckler oenipontanus annoxum 24, in Societate fere per 7 annos, in votis ultra 5 annos. Laborat ruptura, valde practicus, sed ad litteras ineptus.

Urbans Frentzel lusatianus, annorum 25. Parentes non habet. In Societate fere per 5 annos, in votis ultra 4. Corpore non valde robustus, temporalis coadiutor, licet iam infimae classi praesit.

Bartholomaeus (Viller) leodiensis, annorum forte 18. Matrem habet. In Societate per tres, in votis per duos annos et medium fuit. Iuvenis valde modestus, utcumque sanus et ingeniosus, rhetoricae studiosus.

Caspar Meringer bavarus annorum forte 19. Parentes habet. In Societate per annum et medium. Difficilis ad edenda vota, tentabilis, obnoxius calculo, philosophiae studiosus. [324r]

Iudocus Safft leodiensis, annorum 17. Parentes habet. In Societate fere per annum, sine votis. Moribus puerilis, studiis humanitatis incumbit et in officiis primae probationis exercetur suis temporibus ut hic fieri consuevit.

Matthaeus Zerer patavinus, annorum 22, orbatus utroque parente, studiosus rhetoricae, patrimonium nullum habet. In Societatem iam admissus est et bene se gerit.

Iacobus Voltelin, annoxum forte 26, habet patrem vivum. In Societate per duos, in votis per medium annum agi. Deinde propter carthusianae religionis desiderium ut dicebat, votis solutus, sed ad nos reversus, iterum probatur. Paulo solidior videtur quam antea fuit. Coadiutor temporalis est maxime in re fabrili et muraria.

Michael Zeitzensis (Cardaneus) germanus annorum 18. Matrem habet. Novitius est in Societate per 4 menses, idoneus ad studia, corpore sanus, natura deditus pietati, aptus ad concionandum.

Thomas [Budina] carniensis novitius iam admissus, maximae spei, ut videtur, robustus copore, peritus multarum linguarum; scilicet latinae germanicae, bohemices, hungaricae, schlavonicae.

Bartholomaeus Molitor budicinensis novitius in Societate per medium annum. Bonae spei iuvenis. Officium sacristiae habet et in grammaticis studiis versatur.

Georgius oeconomus conductitius fidelis est, et multas Societatis regulas observat.

Zacharias Forst polonus, annorum 16, parentes non habet. In Societate novitius per medium fere annum. Sartor est; constans et ad omnia officia promptus. Novit germanicam, bohemicam et polonicam linguam.

Sampson Leb viennensis, annorum 17, parentes non habet. Novitius in Societate per unum mensem. Corpore robustus, rebus grammaticis utcunque imbutus.

De me nihil dico, quod R.P.V. meas miserias rectius ab aliis cognoscere possit. Hoc unum dico quod omnium patrum et fratrum indignissimus, miserrimus et maximus peccator sim, ut etiam prae omnibus maiori mihi gratia sit opus.

Anno 1562 ianuarii 2.