[1563-03-09 - PRAHA]

Catalogus personarum collegii Pragensis

9. Martii 1563

Cathalogus patrum ac fratrum pragensium, primum officia, deinde dona vel infirmitates corporis, tum dotes vel hebetudines animi, denique spiritus profectum vel defectum ordine continens.

D. Wolffgangi [Georgii]: 1. Officia: 1. Professor s. theologiae quando legitur. - 2. Confessarius quorundam fratrum ac bohemorum externorum. - 3. Consiliarius rectoris. - 4. Minister collegii.

2. Infirmitates corporis: 1. Patitur frequentes catharros capitis. - 2. Non potest esse contentus communi cibo, quamvis id sit conatus. - 3. Non videtur esse robusto corpore, licet non aegrotet. - 4. Habet vocem mediocrem ad concionandum.

3. Dotes vel hebetudines animi: 1. Facile turbatur et impetuose loquitur. - 2. Videtur in rebus sacris mediocriter versatus. - 3. Sermonem non satis congruum habet. - 4. In studiis philosophicis utcumque versatus.

4. Profectus ac defectus spiritus: 1. De Societate ac maioribus nostris bene sentit et loquitur saepe. - 2. Magnum habet zelum ut cultus divinus magnifice procedat. - 3. Poenitentias nunquam petit. Duriter alios monet. - 4. Suas tentationes nonnunquam fratribus vel externis etiam amicis aperit. - 5. Cum amicis externis facile tractat et loquitur absque scitu rectoris. - 6. Consuetudines collegii solebat libere reprehendere. - 7. Sua conversatione multos tentat, ut malint alibi esse quam hic. - 8. Passus aliquando insidias circa vocationem non satis strenue se gessit.

P. Balthasari [Sammereier]: 1. Officia: 1. Professor linguae graecae. - 2. Auditor philosophiae et hebraicae linguae. - 3. Solicitator fratrum ut hospitalia et carceres visitent. - 4. Instructor pauperum quando eleemosynas aut suplicationes petunt.

2. Dona vel infirmitates corporis: 1. Est propensus ad phthisim. - 2. Habet pectus non satis firmum. - 3. Reliquo corpore sanus ac robustus videtur. - 4. Egregiam corporis habet praesentiam.

3. Dotes et hebetudines animi: 1. Ingenium habet durum ac laboriosum. - 2. Nimio studendi desiderio flagrat. - 3. Proficit in graecis atque hebraicis utcumque. - 4. In sacris valde rudis, ad philosophiam ineptus.

4. Profectus ac defectus spiritus: 1. Aliquando fluctuat in vocatione ob studendi desiderium. - 2. Conversationem saepe nimis familiarem ac levem habet. - 3. Invitus adest recreationi per totam horam. - De studiis plerumque loquitur. [316v]

P. Michaelis Tolmainer: 1. Officia: 1. Lector germanici catechismi in templo dominicis diebus. - 2. Professor rhetoricae futurus. - 3. Praefectus novitiorum.

2. Dona et infirmitates corporis: 1. Est robusto et sano corpore. - 2. Exiguam habet apparentiam vel dexteritatem conversandi. - 3. Laboriose concionatur ob vocis defectum.

3. Dotes animi: 1. Habet ingenium mediocre. - 2. Habet optimam memoriam. - 3. Valet in graecis ac poesi mediocriter.

4. Profectus spiritus: 1. Est fidelis obedientiae filius. - 2. Est in vocatione solidissimus et magnae aedificationis. - 3. Est addictus rebus piis et sacris.

M. Ioannis [Labrai] bohemi: 1. Officia: Lector unius vel duarum lectionum philosophiae.

2. Infirmitas corporis: Phthysi nondum est omnino liberatus.

3. Dotes animi: 1. In philosophia bene versatus. Placet auditoribus. - 2. Poësi mediocriter valet. - 3. Videtur mediocre iudicium habere.

4. Profectus vel defectus spiritus: 1. In vocatione solidus. - 2. Impatiens et melancolicus quando non excitatur. - 3. Communicat aliis nonnunquam tentationes suas.

M. Roberti [Gyrulius] leodiensis: 1. Officia: 1. Professor philosophiae futurus. - 2. Praefectus sanitatis. - 3. Solicitator fratrum ut scribant ad collegia.

2. Infirmitas corporis: 1. Non habet omnino sanos oculos. - 2. Est ruptus. Alioqui mediocriter valet.

3. Dotes animi: 1. Est ingeniosus et aptus ad philosophica. - 2. In graecis proficit.

4. Profectus et defectus spiritus: 1. Est pertinax in suis opinionibus. - 2. Facile tentatur, sed vincit. - 3. In vocatione solidus et in dies proficit et alios confirmat.

M. Petri [Hugo] hollandi: 1. Officia: 1. Professor hebraicae linguae. - 2. Professor graecae linguae pro doctioribus. - 3. Lector Vergilii.

2. Donum corporis: 1. Sanus at non valde robustus est.

3. Dotes animi: 1. Est tardus et frigidus in docendo. - 2. Est taciturnus et pacificus. - 3. Excellit in graecis et proficit in hebraicis.

4. Profectus et defectus spiritus: 1. In vocatione aliquando fluctuavit, sed iam solidus videtur. - 2. Ad recreationem communem non satis promptus. - 3. Incompositus vestibus et ineptus ad conversandum. [317r]

M. Wolffgangi [Maria Gingalius] bohemi: 1. Officia: 1. Lector syntaxis in classe humanitatis. - 2. Praefectus collegii novi.

2. Infirmitates corporis: 1. Adhuc quasdam, sed raro sentit reliquias quasdam morbi caduci. - 2. Est valetudinarius, licet raro aegrotet.

3. Hebetudines animi: 1. Non loquitur eleganter et aliquando incongrue. - 2. Non videtur aptus ad magna studia. - 3. Docet frigide ac leniter iuvenes regit.

4. Profectus spiritus: 1. In vocatione solidus. - 2. Potius per simplicitatem quam per malitiam nonnunquam labi videtur.

Urbani Frentzell Lausick: 1. Officia: 1. Praeceptor infimae classis. - 2. Coadiutor in officiis domesticis.

2. Infirmitas corporis: 1. Est debilis et nonnunquam dolores quosdam patitur.

3. Hebetudo animi: 1. Non habet ingenium ad litteras altiores.

4. Profectus et defectus spiritus: 1. In vocatione utcumque solidus. - 2. Querulosus et nimis solicitus pro corpore. - 3. Nisi valde stimuletur, tardus et immundus. - 4. Non esset illi soli fidendum apud extraneos praesertim amicos aut consanguineos.

Thomas [Budina] schlavus: 1. Officia: 1. Studiosus humaniorum litterarum. - 2. Observat et refert superiori quae patribus ac fratribus desunt.

2. Dotes animi: 1. Habet mediocre ingenium. - 2. Callet multas linguas, videlicet latinam, italicam, germanicam, hungaricam, schlavonicam, bohemicam.

3. Donum corporis: 1. Est satis robusto corpore.

4. Profectus spiritus: 1. In vocatione solidus. - 2. In studiis diligens. - 3. Contra praeceptorem in disputando pertinax.

Bartholomaei [Viller] leodiensis: 1. Officia: 1. Inferior praefectus collegii novi. - 2. Studiosus auditor philosophiae.

2. Donum corporis: 1. Est sanus et robustus.

3. Dotes animi: 1. Videtur mediocre ingenium et iudicium habere. - 2. In rhetoricis, philosophia, poësi et graecis utcumque versatus.

4. Profectus spiritus: 1. Zelosus in concionibus. - 2. Scrupulosus circa se et alios. - 3. Modestus, pacificus, in vocatione solidus, devotus. - 4. Est diligens executor obedientiae. Fidelis et secretus.

Alexandri [Voit] pragensis: 1. Officia: 1. Superior sacristanus. - 2. Auditor philosophiae. - 3. Solicitator fratrum ut conveniant ad recreationem.

2. Donum corporis: 1. Est sanus at non valde robustus.

3. Dos animi: Ingeniosus et solers praesertim in agibilibus.

4. Profectus spiritus: Est devotus, pius, solidus in vocatione, modestus, patiens. [317v]

Bartholomaei [Weisagius] glatzensis: 1. Officia: 1. Visitator cubiculorum orationis tempore. - 2. Auditor philosophiae.

2. Dona et infirmitates corporis: 1. In sermone tardus. - 2. Oculos ita debiles habet ut vesperi ad lumen vix possit legere. - 3. Est utcumque sanus.

3. Dotes animi: 1. Valet carmine mediocriter. - 2. In philosophia et lingua hebraica proficit. - 3. Habet ingenium mediocre sed et simplex.

4. Profectus spiritus: 1. Est in vocatione solidus. - 2. Libenter loquitur de rebus piis. - 3. Diligenter praestat obedientiam.

Matthaei [Zerer] pataviensis: 1. Officia: 1. Auditor philosophiae. - 2. Custos et distributor candelarum. - 3. Scriptor latinarum litterarum.

2. Donum corporis: 1. Est brevi statura, sed robusto corpore praeditus.

3. Dotes animi: 1. Habet ingenium mediocre. - 2. Est industrius, valet utcumque carmine et prosa.

4. Profectus spiritus: 1. Est solidus et constans in vocatione. - 2. Est pius et diligens obedientiae filius.

Blasii [Montanuccio] itali coadiutoris temporalis: 1. Officia: 1. Hortulanus, pistor. - 2. Infirmarius. - 3. Habet officium lavandi capita.

2. Infirmitas corporis: Non habet corpus valde robustum.

3. Dos animi: Circa sanitatem mediocrem habet praxim.

4. Profectus spiritus: 1. Est solidus in vocatione. - 2. Difficulter cum omnibus potest convenire. - 3. Est valde liber et nonnunquam rusticus in verbis. - 4. Est devotus.

Iacobi [Voltelin] itali coadiutoris temporalis: 1. Officium: 1. Faber lignarius et murator.

2. Dos animi: 1. Habet praxim sed discursum tardum.

3. Donum corporis: Est sano et robusto corpore.

4. Profectus spiritus: Est iam constans in vocatione. - Est devotus, sed impatiens et facile tentatur.

Sampson [Leb] viennensis coadiutor temporalis: 1. Officia: Potest esse coquus et omnia communia facere. - Optime scribit litteras germanicas.

2. Donum corporis: Est sano corpore et mediocribus viribus.

3. Dos animi: Habet praxim rerum aulicarum et cancellariae.

4. Profectus spiritus: Est simplex et pietati deditus. - Paratus ad omnia obediens sed somnolentus. [318r]

Bartholomaei Molitoris germani: 1. Officium: 1. Auditor humanitatis. - 2. Sacristanus ad tempus.

2. Dos animi: 1. Habet ingenium mediocre et est industrius.

3. Donum corporis: 1. Est sanus at non valde robustus.

4. Profectus spiritus: 1. Est simplex, devotus, obediens, constans in vocatione.

Matthiae Hasleri germani: 1. Officium: 1. Est auditor humanitatis.

2. Infirmitas corporis: 1. Non est omnino sano corpore.

3. Dos animi: 1. Est ingeniosus.

4. Profectus spiritus: Est constans in vocatione, devotus.

Valentini [Kampel] bohemi et germani: 1. Officia: 1. Auditor rhetoricae. - 2. Praefectus chori. - 3. Scriptor rerum latinarum quando est opus.

2. Donum corporis: 1. Habet sanum at non valde robustum corpus.

3. Dotes animi: 1. Ingenium habet mediocre. - 2. Valet praxi quarundam rerum.

4. Profectus et defectus spiritus: 1. Est in vocatione constans. - 2. Devotus et simplex in obediendo. - 3. Vexatur crebro et valde gulae vitio.

Nicolai Salii pragensis: 1. Officium: 1. Auditor philosophiae.

2. Donum corporis: Habet sanum ac robustum corpus.

3. Dos animi: Est ingeniosus. Valet carmine et prosa mediocriter.

4. Profectus spiritus: 1. Est in vocatione constans et obediens. - 2. Est valde devotus. - 3. Patitur phantasias frequentes contra fidem.

Petri [Clement] germani coadiutoris: 1. Officium: 1. Oeconomus est et superior coquus.

2. Donum corporis: 1. Est sano et robusto corpore.

3. Dos animi: Habet praxim mediocrem.

4. Profectus spiritus: 1. Est fidelis, pius, obediens, constans in vocatione.

Ulrici [Diem] germani coadiutoris: 1. Officia: 1. Custos pannorum. - 2. Adiutor sartoris et pistoris.

2. Donum corporis: Sano et robusto corpore.

3. Dos animi: Simplex et syncerus.

4. Profectus spiritus: Devotus, obediens, in vocatione constans.

Michaëlis [Neuman] germani coadiutoris novitii: 1. Officium: Sartor collegii.

2. Donum corporis: Utcumque robustus.

3. Dos animi: Simplex et syncerus.

4. Profectus spiritus: In proposito constans, modestus, devotus.

Iacobi [Reller] augustani: 1. Officium: Studiosus humanitatis.

2. Donum corporis: Corpore sano et robusto.

3. Dos animi: Ingenio mediocri.

4. Profectus spiritus: In vocatione constans, devotus, ad omnia paratus. [318v]

Nicolai bohemi pueri futuri novitii: 1. Officium: Adiutor coci.

2. Donum corporis: Robustus et sanus.

3. Dos animi: In litteris nihil scit, ad quosvis labores aptus.

4. Defectus spiritus: Est inconstantulus.

Andreae [Istvanics] hungari coadiutoris: 1. Officium: Est ianitor collegii.

2. Infirmitas corporis: Corpore debili, ruptus est.

3. Hebetudo animi: Ingenium videtur habere durum et inconstans.

4. Profectus spiritus: Utcumque se gerit ac melioris vitae dat spem.

Henrici Blyssemii: 1. Officium: 1. Rector indignissimus collegii. - 2. Exhortationes domesticas habet diebus Veneris. - 3. Concionator templi nostri ineptissimus. - 4. Confessarius quorumdam fratrum et extraneorum.

2. Donum corporis: Corpore valet more consueto, sed rarius aegrotat.

3. Hebetudo animi: Ingenium, ut constat, obtusum habet. - Ineptus videtur ad omnia.

4. Defectus spiritus: Defectibus et miseriis plenus est ut poterit ex aliis nostris intelligi.

Officia et studia fratrum quorumdam propediem erunt mutanda, ut cathalogus hoc modo manere diu nequeat. Deus omnia dirigat ad maiorem sui nominis gloriam.