[1565
in. – PRAHA]
Catalogus
personarum collegii Pragensis
ineunte
anno 1565
Instructio
de personis collegii pragensis usque ad annum 1565
Professi
1.
Henricus Blyssemius bonnensis Romae Societatem ingressus est ultimo novembris
1554 ut credit. Inde vota post unum forte mensem emisit. Professus est Pragae
dominica Laetare anni 1560. Legit Sacram Scripturam per aliquot annos.
Concionatus est hactenus in arce coram Archiduce. Nunc in templo nostro, et
collegii rectorem indignus agit.
Sacerdotes
2.
D. Wolfgangus [Georgii] bohemus tinensis Societatem intravit anno 1555 et eodem
vovit. Pragae concionatur bohemice, agit praefectum templi et scholarum.
3.
D. Andreas [Piessinus] bohemus tinensis receptus est in augusto 1555. Edidit
vota in festo S. Sebastiani [20 ian.] 1556. Legit Pragae s. theologiam. Parat
se ad concionandum. Est superintendens novitiorum et confessarius quorundam
fratrum.
4.
P. Adamus Heller viennensis receptus est anno forte 1554. Edidit vota anno
1555. Agit ministrum collegii, solicitat externa negocia, audit confessiones
convictorum.
5.
P. Michael Tolmainer schlavus admissus est anno 1556. Edidit vota anno 1557.
Concionatur germanice in festis, est praefectus novitiorum, audit confessiones
quorundam fratrum. Est scrupulosus, devotus, in vocatione solidissimus.
6.
P. Balthasar Pharkirchen [Sammereier] bavarus receptus est anno 1555. Emisit
vota in festo Pentecostes 1555. Fuit concionator. Audit cursum, praeest cantui.
Poterit aliquando cum fructu concionari. Habet egregiam praesentiam, licet non
sit omnino sanus.
7.
P. Petrus [Hugo] amsfordiensis hollandus receptus est anno 1556. Emisit vota
anno 1558. Mediocriter doctus in philosophicis, graecis et hebraicis. Praeest
classi grammaticae. Videtur melancholicus ac piger. Contendit ad religionem
carthusianam praetextu quietis.
8.
P. Blasius Montavinus perusinus italus receptus est anno forte 1555, et eodem
emisit vota. Fuit diu praefectus sanitatis. Praeest classi inferiori
grammaticae. Non satis est congruus in latinis. In studiis parum, in praxi
domestica et hortulana plus habet.
Scholastici
approbati
9.
M. Georgius Varus anglus receptus est 13 octobris 1562. Emisit vota anno 1559.
Legit cursum, est praefectus corporalis exercitii.
10.
M. Antonius [Guise] aldenardensis flander receptus est anno 1558. Emisit vota
anno 1559. Legit rhetoricam et graeca. Videtur habere donum ad concionandum et
legendum.
11.
M. Wolfgangus Maria [Gingalius] bohemus tinensis receptus est anno 1556. Emisit
vota anno 1558. Est lector humanitatis et regens collegii novi, obnoxius morbo
caduco aliquantulum.
12.
M. Bartholomaeus [Weisagius] glacensis germanus receptus est 14 martii 1562.
Vovit in novembri 1562. Praeest classi mediae grammatices. Est simplex, laborat
oculorum vitio.
13.
M. Bartholomaeus Molitor budinensis germanus receptus est anno 1561. Vovit 25
novembris 1562. Fuit diu sacristanus, praeest infimae classi, incipit studere.
14.
Bartholomaeus [Viller] bastoniensis gallus receptus est anno 1559. Vovit in
festo S. Ioannis Baptistae 1559. Praeest convictoribus, audit cursum.
15.
Nicolaus Salius pragensis receptus est in novembri 1562. Vovit 25 novembris
1562. Audit cursum, catechismum bohemice explicat in templo dominicis diebus,
ingeniosissimus, rhetor.
16.
Alexander [Voit] pragensis receptus est 17 februarii 1560. Vovit 13 iulii 1561.
Audit cursum, delectatur et proficit in mathematicis, ingeniosus, practicus.
17.
Melchior Pichler tirollensis receptus est in festo S. Petri et Pauli 1563.
Vovit in festo Praesentationis D. Virginis [21 nov.] 1563. Audit cursum. Est
robustus, nobilis, ingeniosus.
18.
Gabriel Hardman viennensis receptus est in iulio 1560. Edidit vota in festo S.
Petri et Pauli [29 iun.] 1561. Audit cursum. Est ingeniosus, sed delicatus. [12v]
19. Thomas [Budina] labacensis schlavus receptus pridie S. Thomae [20 dec.]
1561. Vovit 25 novembris 1562. Audit rhetoricam, habet mediocre ingenium.
20. Matthias Hasler germanus receptus est 6 iunii 1562. Vovit 25 novembris
1562. Audit rhetoricam, utcunque ingeniosus.
21. Venceslaus Suda pragensis receptus est in iulio 1562. Vovit secreto in
decembri 1564. Audit rhetoricam. Videtur ingeniosus, robustus, at deformis.
22. Martinus Strauss labacensis receptus est 11 februarii 1562. Vovit 15
februarii 1563. Audit rhetoricam. Videtur debilis et ad phtisim propensus.
23. Uldalricus Moskai germanus receptus est in novembri 1561. Vovit anno
1562. Audit rhetoricam. Simplex, devotus, non valde robustus.
24. David [Pálfi] strigoniensis hungarus receptus est 25 maii 1561. Vovit
post festum Paschae 1562. Fuit cocus et dispensator, praefuit infimae classi,
audit humanitatem. Est grandaevus et difficulter appraehendit, laborat oculorum
vitio.
25. Georgius [Törös] norapius hungarus receptus est in aprili 1564. Vovit
secreto 15 octobris 1564. Audit humanitatem. Videtur robustus, ingeniosus.
26. Iacobus Greystorff [Greyan] schlavus receptus est in novembri 1561.
Vovit anno 1562. Audit grammaticam. Est grandaevus et robustus, sed rudis.
27. Martinus Decker bavarus ingolstadiensis receptus est in iunio 1563.
Vovit privatim ut novitius 17 augusti 1564. Audit humanitatem, mediocris
indolis.
28. Ioannes Zedll bavarus receptus est in festo S. Trinitatis [24 maii]
1562. Vovit secreto in octobri 1564. Audit grammaticam. Puer simplex, devotus.
29. Martinus Bozick hungarus receptus est in martio 1564. Vovit secreto 15
octobris 1564. Audit grammaticam. Adolescens bonae spei.
Coadiutores temporales
30. Petrus Clement germanus receptus est anno 1561. Vovit anno 1562. Fuit
sartor, est emptor, utilis ad multa, robustus utcunque.
31. Sampson Leb viennensis receptus est anno 1562. Vovit anno 1563. Fuit
cocus, agit ianitorem, tonsorem, scribam germanum. Est debilis.
32. Ulricus Ens [Diem] germanus receptus est anno 1562. Vovit anno eodem.
Sartorem agit et in aliis iuvat. Est sanus, sed capitosus.
33. Ambrosius germanus vir, collegii pistor, qui nondum omnino se tradidit
Societati. [13r]
Novitii
Scholastici futuri
34. Michael Czwicka germanus receptus est in aprili 1563. Nondum vovit. Est
robustus, simplex, aptus ad studium; agit sacristanum.
35. Matthias Maria bohemus receptus est in aprili 1563. Est sanus,
mediocris spei, sed rudis omnino.
36. Blasius Budischosch schlavus receptus est in novembri 1563. Valet
ingenio et viribus, in grammaticis mediocriter doctus.
37. Ioannes Reinolius cadanensis bohemus receptus est 23 aprilis 1564.
Ingeniosus, in humanioribus utcunque versatus, ad concionandum aliaque aptus.
38. Iacobus Spumilerius Pontanus germanus receptus est 17 maii 1564. In
humanioribus utcunque versatus, ingeniosus, robustus, aptus ad multa.
39. Matthaeus Krabler bavarus receptus 4 iunii 1564. Grammaticus,
ingeniosus, robustus, bonae spei.
40. Andreas Primisöder neapolitanus germanus receptus est in aprili 1564.
Mediocris ingenii et roboris, initiatus grammaticus, debilis visu.
41. Thomas Negalicz schlavus receptus est 24 iunii 1564. Mediocris ingenii,
parum in grammaticis novit.
42. Ioannes Vognarcus bohemus receptus est 24 iunii 1564. Robustus at rudis
adhuc, mediocris ingenii.
43. Nicolaus [Sedcovius] pardensis polonus receptus 17 augusti 1564.
Robustus, ingeniosus.
44. Ioannes Lelesich hungarus receptus 24 septembris 1564. Ingeniosus.
45. Ioannes Egidius Lucius svevus receptus est 24 septembris 1564.
Ingeniosissimus.
46. Ioannes Lucius bavarus receptus 30 septembris 1564. Rhetor, ingeniosus,
sed difficilis.
47. Ioannes Mundell freybergensis germanus receptus 13 septembris 1564.
Optimae indolis et spei.
48. Ambrosius Bruder [Achius] crumlocinus germanus receptus 3 octobris
1564. Rhetor optimae spei.
49. Sebastianus Brand confluensis germanus receptus 4 augusti 1564.
Robustus, ingeniosus.
Coadiutores temporales
50. Petrus [Pandolfi] italus receptus est in maio 1564. Murator, robustus,
tardus.
51. Iosephus Sauser italus receptus in augusto 1564. Simplex, tardus, agit
cocum.
52. Wolfgangus Adolff viennensis receptus est in februario 1563.
Scrupulosus, debilis, devotus.
53. Zacharias Cadanensis bohemus receptus in aprili 1564. Puer robustus. [13v]
In collegio pragensi defuncti sunt quorum nomina sequuntur
1. M. Wolfgangus [Faber] bavarus ingressus est Societatem forte anno 1555
Pragae. Concionatus est germanice, legit literas humaniores, obiit anno 1558.
2. Anthonius italus collegii sartor quando venerit aut voverit, non
constat. Obiit anno 1560.
3. P. Lucas Molitor luzatianus receptus est anno 1554. Fuit rector
oibinensis, concionator collegii nostri et minister. Obiit anno 1562.
4. P. Valentinus [Voit] pragensis receptus est anno 1553. Fuit minister
romanus, rector oenopontanus, regens collegii novi Pragae. Obiit in ianuario
1564.
5. P. Ioannes Labrai bohemus non constat quando venerit aut voverit. Legit
Pragae philosophiam. Obiit in aprili 1564.
De materiali collegio
Erectum est collegium pragense in aprili 1555, quo mense fratres Roma missi
Pragam pervenerunt. Aedificium monasterii dominicanorum paulatim in formam
collegii redactum, instauratum et auctum est. Accessit postmodum domus, quam
redemit S.C.M. in usum convictorum. Redempta est alia domus quae fuerat
collegio molesta. Aedificata est satis ampla probationis domus. Emptus est
hortus suburbanus. De quibus omnibus et etiam de aliis redditibus literae
fundationis, et exemplaria literarum autenticarum plura referunt.