[1566-09-?? – PRAHA – pro 1566/67]

Catalogus personarum collegii Pragensis

mense Septembri anni 1566

De personis pragensis collegii

P. Henricus [Blyssemius] rector et superintendens collegii novi, potest perseverare in lectione casuum in arce, qua finita, si illi voluerint, poterit ex ipsorum consilio lectionem aliam sibi facilem auspicari. Nec erit necessum domi legere aliam lectionem theologicam. Quam si ipse vellet legere, hac ratione illi conceditur ut nihil propterea illi pereat de cura et exercitio gubernationis, quasi animi causa illud faceret.

M. Adamus [Höller] minister, concionator etiam germanicus templi nostri.

M. Georgius [Varus] professor secundi anni cursus, quem uno anno cum dimidio absolvet, quemadmodum instituit facere.

M. Alexander [Voit] incipiat cursum, et liceat illi semel in hebdomade legere mathematicen.

M. Michael [Tolmainer] praeceptor rhetorices; in qua classe quotidie erit duas horas mane et duas a prandio. Prima hora hoc tempore post repetitionem praecedentis lectionis leget artem; secunda per mediam horam leget graece, per aliam iubebit repetere et exercere. Hora tertia, scilicet prima a prandio leget orationem aliquam Ciceronis, quarta hora repetet, exercebit vel etiam emendabit compositiones etc. Sit item praefectus studiorum, cui detur substitutus Ambrosius [Achius].

Thomas [Budina] labacensis praeceptor humaniorum litterarum, qui si cursum est prosequuturus in annum sequentem, mittatur in aliam provinciam si eo inclinabitur.

P. Hermanus praeceptor primae classis grammaticae.

M. Valentinus [Kampel] secundae grammaticae et concionator bohemus a prandio in templo nostro.

Stephanus [Corvinus] tertiae.

Ioannes [Conarius] polonus ultimae cum suo coadiutore.

M. Antonius [Guise] flander concionetur germanice ubi volet R.mus usque ad Pascha. Post Pascha vero mittatur ad patrem Canisium, quemadmodum iam actum est cum R.mo. Quam missionem nullus impediet, nisi sit expressa voluntas Patris Generalis. [314v]

Ambrosius [Achius] et Moskai erunt in collegio nostro et pergant in cursu.

Sebastianus [Brandt] et Andreas [Primusöder] si sint idonei ad rhetoricen, ad eam traducantur.

Confessarii novitiorum pater Alexander [Höller] et aliquorum fratrum collegii, et eorum fratrum qui erunt illic.

Rector audiet praefectum et substitutum novitiorum et regentem et subregentem collegii; nam ministrum, emptorem, M. Antonium [Guise] et si quis videbitur alius ab ipso audiendus, eum audiet.

P. Michael [Tolmainer] poterit aliquos audire.

Magister Wolffgangus [Maria Gingalius] audiet fratres collegii novi.

Superintendentes orationis eorum quos audiunt, sui confessarii erunt.

Consiliarii rectoris, minister, P. Michael [Tolmainer], P. Alexander [Höller], P. Wolffgangus [Maria Gingalius].

Admonitor rectoris P. Michael [Tolmainer].

In domo novitiorum

Magister Alexander [Höller] praefectus novitiorum leget etiam bis in hebdomada aliquam lectionem theologicam, si commode dare possit operam plenam novitiis; alioqui vel nullam legat vel tantum unam.

Coadiutores hoc tempore Ioannes Zedl et Martinus Decker, qui erunt dialectici anno futuro.

Et sunt et habeantur novitii

Ioannes [Conarius] polonus.

Ioannes dalmata.

Conradus [Weiss].

Stephanus [Corvinus].

Ioachimus [Stytz].

Bartholomeus [Scholtz] sartor.

Martinus [Voit] bohemus.

Mathaeus [Liebewald].

Ioannes [Stephanus Leyva] bohemus.

Mathaeus [Gerlicensis] budienensis.

Guillelmus [Camerarius] bavarus.

Lucas [Perger].

Marcus [Pita…iƒ].

P. Blasius [Montanuccio] substitutus magistri novitiorum et praefectus ecclesiae, audiat casus conscientiae et seriam dabit operam privato studio, si quid temporis supererit. [315r]

In collegio novo

Regens Magister Wolffgangus [Maria Gingalius] et concionator ad S. Iacobum.

Subregens M. Alexander [Voit] quum tamen levabitur magna parte curae, ne iacturam faciat studiorum quae insumere debet ad docendum in sua classe.

Praefecti cubiculorum

Mathias Haslerus

Iacobus Grum [Greyan]

Georgius [Törös] hungarus

Martinus Strauss

/pergent in cursu./

Olomucium missi

M. Bartolomeus [Weisagius] blagensis [Glatz] un legat humanitatis lectiones.

Blasius [Budisiƒ] hungarus pro prima classe grammatices.

Magister Christophorus [Krämel] pro classe parvulorum.

Bartholomeus Molitor

Thomas [Tullius] carniolus

/pro coadiutoribus./

In provinciam Sveviae

Iacobus Pontanus.

Ioannes Lelesi.

Thomas [Negaliƒ] sclavus.

Lucius.

Romam

Nicolaus Salius.

Anno proximo, Christo propitio, pater Hermanus promovebitur ad classem humaniorum litterarum. Quod poterit illi significari ut interea se paret ad poesim, nec hoc tempore iniungatur ei munus concionandi.

P. Michael [Tolmainer] videtur esse propensus ad coadiutorem spiritualem, ac propterea non videretur esse gravandus altioribus studiis, sed in his exerceri potest, quae hactenus secutus est, et addere cognitionem casuum conscientiae et institutionem de sacramentis, ut esset instructus ad confessiones audiendas sufficienter et ad officia gerenda; posset autem gerere officia quae hactenus gessit et maiora.

Magister Thomas [Budina] perseverabit in una classe humanitatis, nec audiet cursum hoc anno. Fiet tamen illi spes quod sequenti anno philosophiam audiet vel hic vel alibi. Poterit interim, quibus diebus legit media hora, quibus non legit una vel cum dimidia repetendae logicae operam dare.

Ambrosius [Achius] prae caeteris non occupetur sed studeat ut caeteri. [315v]

M. Antonius [Guise] post Pascha mittetur ad Patrem Canisium. Interea concionabitur ubi volet Archiepiscopus. Observabitur vero illud scriptum quod ego relinquam rectori. Nullius autem intercessione vel authoritate moveatur rector quin illum mittat, nisi R. P. Generalis aliter statuet.

De M. Georgio [Varus] antequam absolvat cursum, tempestive scribetur ad P. Generalem et significabitur eius inclinatio quia Romam redire et theologiam audire cupiat. Mihi tamen videretur ut legeret alium cursum hic vel alibi.

M. Wolffgangus [Maria Gingalius] donec retinet illam curam, non egrediatur ad pagos concionatum, sed si alius illi succederet, posset illud facere.

Si maneat hic Martinus [Boñik] moravus, detur illi scyphus vini diluti vel amplius, si opus sit propter valetudinem; vel omnino mittatur Viennam ubi bibitur vinum, et loco eius accipiatur alter.

Detur Hortulus animae Ioachimo [Stytz] germanicus.

Bartholomeus [Schultz?] sartor discat germanice.

Si perseveret in sua inclinatione Arcularius ut mutet collegium, potest illi hoc gratificari rector, praesertim si eius opera non admodum indigeat.

Si Petrus [Clement] cupiat invisere patriam, concedatur ei ut disponat de suis bonis; et deinde cum P. Natali suam causam agat in Germania.

M. Antonius [Guise] ostendat suam concionem P. Rectori. Quod si facere nolit, scribatur P. Natali.