[1569-10-?? – OLOMOUC]

Catalogus personarum collegii Olomucensis

mense Octobri anni 1569

Catalogus patrum et fratrum Societatis Iesu qui sunt in collegio et seminario olomucensi in fine octobris 1569

1. P. Hurtadus Perez hispanus, professus, rector et catechista in scholis superioribus.

2. P. Christophorus Strobelius germanus, professus, seminarii praefectus, confessarius germanicus et concionator extraordinarius, et lector de sacramentis et examinator petentium admitti in Societatem.

3. P. Wolfgangus Pyringer austriacus, confessarius collegii, concionator ordinarius a prandio in templo S. Mauritii et professor rhetorices ac praefectus chori.

4. P. Ioannes Merquitius saxo ex Delitsh, 30 annorum, concionator ordinarius in S. Maria parochiali templo germanicus et studiorum praefectus, ingressus est Societatem circa finem augusti 1557 Pragae. Vota primum fecit Romae post annum ab ingressu. Factus est scholasticus approbatus Viennae a P. Provinciali nostro D. Laurentio in fine iulii praesentis anni.

5. P. Wolfgangus Maria [Gingalius] boemus ex Tina, circiter 33 annorum, minister collegii et extraordinarius concionator et confessarius ordinarius boemicus et praefectus templi ac sanitatis, venit ad Societatem Romae anno 1555 mense augusto. Fecit primum vota post annum quam fuit ingressus. Audivit cursum Romae et per medium annum theologiam. Factus est scholasticus approbatus a P. Provinciali in renovatione votorum aestiva anno 1567.

6. M. Bartholomeus [Weissagius] glazensis, magister humanitatis ut prius.

7. M. Matthias Haslerus boemus sed germanis parentibus ex Aysinga, 25 annorum, ingressus est Societatem Pragae in iunio 1562. Fecit primum vota in festo S. Catherinae [25 nov.] eodem anno. Factus est scholasticus approbatus in visitatione P. Provincialis. Audivit rhetoricam et cursum. Novit linguam germanicam et mediocriter boemicam; et habet principia graecae et hebraicae. Regit primam classem grammaticae et docet catechismum diebus Veneris in inferioribus classibus.

8. Gasparus Winclerus viennensis, magister secundae classis grammatices ut prius.

9. Martinus Straus carnus ex Labaco, circiter 22 annorum, venit ad Societatem Viennae 14 februarii 1562. Audivit cursum et rhetoricam. Profitetur graecam linguam. Habet quatuor minores. Factus est scholasticus approbatus sub P. Henrico [Blyssem] rectore Pragae. Vovit primo Viennae die 8 aprilis 1563. [30v]

10. Stanislaus Mielezky polonus nobilis, 19 annorum, venit ad Societatem Viennae in die S. Cleophae [25 sept.] 1567. Est confirmatus. Habet quatuor minores. Magister alphabetariorum. Fecit vota primum in renovatione votorum in aestate 1568.

11. Engelhardus Schilth saxo ex Welingenhausen, circa 23 annorum, venit ad Societatem Olomucii circa Nativitatem B. Virginis Mariae [8 sept.] anno 1568. Est magister in classe principiorum grammaticae. Non audivit ultra grammaticam. Fecit primum vota 3 dominica septembris [18 sept.] 1569.

12. Georgius Hackius coloniensis, circa 29 annorum, nullum habet parentem superstitem. Venit ad Societatem Romae dum P. Laynez fuit vicarius generalis. Fecit vota ante completum biennium. Non audivit cursum, sed habet bonum ingenium. Audit hic rehtoricam. Est subdiaconus factus Branspergae a cardinali Hosio.

13. Ambrosius Ackius boemus ex matre et patre germanus cromnoviensis, 24 annorum, socius in seminario P. Strobelii, et chori nostri substitutus. Habet quatuor minores. Venit ad Societatem Pragae 3 octobris 1564. Audivit cursum philosophiae. Fecit vota primum in festo Purificationis [2 febr.] 1566. Est scholasticus approbatus.

14. Georgius Schinagel wirtenbergensis ex Eslinga, 19 annorum, venit ad Societatem Viennae anno 1566 circa festum S. Ceciliae [22 nov.]. Implevit suam probationem. Auditor rhetoricae. Fecit vota primum ante completum primum annum. Est scholasticus approbatus factus tertia dominica septembris [18 sept.] 1569.

15. Marcus [Pita…iƒ] ziziensis illiricus ex Zizia [Sisak] zagraviensis, annorum 22, venit ad Societatem anno 1566 mense augusto. Accepit minores Pragae cum Luca [Perger] et aliis. Est scholasticus approbatus in festo Purificationis 1568.

16. Melchior Ditius polonus ex Posnania, circa 19 annorum, venit ad Societatem Viennae anno 1568 primo die iunii. Auditor rhetoricae. Fecit vota primum 6 ianuarii 1569.

17. Lucas Perger sclavus tifferiensis [Tüffer] ex episcopatu labacensi, 22 annorum, venit ad Societatem Viennae in die S. Laurentii [10 aug.] 1566. Musicus qui potest praeesse choro in cantu gregoriano. Factus est scholasticus approbatus 10 die octobris 1568 a P. Balthazare [Hostovinus] ex comissione P. Henrici [Blyssemius] tunc viceprovinciali. Fecit primum vota in Nativitate Domini eiusdem anni. Auditor humanitatis. [31r]

18. Ioannes Stephanus Leyva patre hispano aulico, matre boema, natus Pragae, 20 annorum, venit ad Societatem 17 iulii 1566. Fecit primum vota in Nativitate Domini eiusdem anni. Auditor humanitatis. Scholasticus approbatus primo augusti 1568 a patre Henrico.

19. Blasius hungarus ex Hercegszeleusi [Hercegszöllös] auditor humanitatis et refectorii praefectus.

20. Martinus Undo hungarus ex Sacza prope Cassoviam, dioecesis agriensis, 22 annorum. Venit ad Societatem Viennae in die apostolorum Philippi et Iacobi [1 maii] 1567. Habet quatuor minores. Scholasticus approbatus a P. Provinciali Pragae 3 septembris 1569. Fecit vota primum post primum annum et fere 3 menses.

21. Christophorus Michel tirolensis, sacristanus, annorum 32, venit ad Societatem Viennae anno 1561 in sancta hebdomada. Fecit vota primum anno 1562. Est formatus coadiutor in festo apostolorum Petri et Pauli [29 iun.] 1569.

22. Bartholomeus Iulius [Andrioti] de Staphilo italus, emptor, sartor, praefectus culinae.

23. Bartholomeus Molitor widgenauensis [Wittichenau] lusatius, ianitor et annorum lineorum custos.

24. Christophorus Winter bohemus ex Duchs, parentibus germanis, arte pistor, nunc cocus, ingressus est Societatem Olomucii in die S. Barbarae [4 dec.] 1568 (quo die est natus et baptizatus). Erit 23 annorum. Fecit vota primum Pragae in die Assumptionis B. Mariae [15 aug.] 1569.

25. Leopoldus Corentaier [Kornthein] parentibus germanis Viennae natus, 18 circiter annorum, novit utramque linguam germanicam et boemicam, et parum latine. Venit ad Societatem Olomucii in septembri 1568. Non habet vota.

1. P. Balthazar Hostovinus missus est in aestate Wilnam in Lituaniam.

2. Stephanus Corvinus missus est Pragam.

3. Leopoldus Caesar missus est Viennam.

Christophorus Cramel discessit non dimissus in iulio.

Wolfgangus Adolphius discessit etiam non dimissus in aprili, sed hic non habet vota.