[1570-08-?? – OLOMOUC]

Catalogus personarum collegii Olomucensis

mense Augusto anni 1570

Catalogus patrum et fratrum collegii Societatis Iesu et seminarii olomucensis factus in fine augusti anni 1570

1. Pater Hurtadus Perez hispanus, rector.

2. Pater Christophorus Strobelius germanus, praefectus seminarii ut prius.

3. Pater Alexander Hoellerus viennensis fecit professionem Pragae in die S. Gregorii [12 mart.] proxime elapsi. Est collegii et templi confessarius ordinarius, praefectus ecclesiae, novitiorum ac rerum spiritualium anonumos, consultor et admonitor rectoris, catechista superiorum classium et examinator petentium admitti in Societatem.

4. Pater Wolfgangus Maria [Gingalius] boemus, minister, confessarius boemicus et concionator extraordinarius.

5. Pater Wolfgangus Pyringer professor rhetorices et praefectus chori.

6. Pater Ioannes Merquitius saxo, concionator germanicus ordinarius in templo S. Mariae et cathechista in templo nostro diebus dominicis post vesperas, praefectus studiorum et tonorum et contionum refectorii.

7. Michael Polt viennensis, annorum 23, magister classis humanitatis et praefectus bibliothecae. Potest etiam in necessitate gerere curam chori. Venit ad Societatem postridie festum S. Catharinae [25 nov.] Viennae anno 61. Fecit vota primum in Quadragesima anno 63. Factus scolasticus approbatus a Patre Provinciali post Pascha anno 68. Habet 4 minores.

8. M. Iacobus Bosgroveus anglus ex Brutonia, diocesis Velliae, 22 annorum, magister graecae linguae, venit ad Societatem Romae anno 1565 octo dies ante festum S. Catharinae [25 nov.]. Fecit vota primum circa festum Epiphaniae [6 ian.] proxime sequens. Scholasticus approbatus factus est anno 67 cum aliis Romae.

9. Gaspar Vinclerus praeceptor primae classis grammaticae.

10. Martinus Straus praeceptor secundae classis grammaticae, decurio in seminario.

11. Petrus Aederus viennensis, magister in classe principiorum et concionator de epistolis diebus dominicis circa meridiem in S. Mauritio, venit ad Societatem in primo sabbatho Quadragesimae [22 febr.] anno 1561. Fecit vota exacto biennio in festo apostolorum Petri et Pauli [29 iun.]. Est subdiaconus factus anno 66 Tirnaviae, et scholasticus approbatus in octobri 67 Viennae.

12. Stanislaus Milezky polonus, magister in infima classe mandantium memoriae principia. [32v]

13. Bernardus Brant magister legentium in infima classe, 30 annorum ex Ladenburg, episcopatus wormaciensis [Worms] venit ad Societatem in Pascha [14 apr.] 1555. Fecit vota primum in S. Michaele [29 sept.] 1557. Accepit primam tonsuram et 4 minores Viennae. Loquitur latine tantum et germanice.

Auditores rhetorices

14. Marcus [Pita…iƒ] sisiensis sclavus, decurio in seminario.

15. Ambrosius Achius bohemus, decurio in seminario et substitutus chori templi collegii.

16. Georgius Schinagel wirtenbergensis germanus.

17. Melchior Ditius posnaniensis polonus, visitator cubiculorum cum itur cubitum.

Auditores humanitatis

18. Blasius [Hercegszöllösi] hungarus, praefectus refectorii.

19. Martinus [Undó] hungarus, praefectus horti domestici.

20. Ioannes [Stephanus Leyva] bohemus, tonsor.

21. Lucas Perger sclavus, excitator et praefectus chori gregoriani, lotor capitum et distributor chartae, etc.

22. Martinus Bast prutenus ex Varmia 20 annorum, in secundo anno novitius, venit ad Societatem anno 1569 in initio maii. Fecit vota primum in die Assumptionis B. Virginis Mariae [15 aug.] eiusdem anni. Habet 4 minores quos Pragae accepit. Est tonsor.

Coadiutores

23. Christopherus Mihel tirolensis, formatus, sacristanus.

24. Bartolomeus Iulius [Andrioti] italus, emptor, cocus, condus, et dispensator, superintendens sartoriae, infirmarius.

25. Bartolomeus Molitor ianitor et custos pannorum lineorum.

26. Christophorus Winter germanus ex Bohemia, pistor et cellarius, coadiutor ianitoris; in secundo anno novitiatus.

27. Ioannes Milner [Zenser] bavarus subcocus; nondum admissus.

28. Ioannes Schne pistor, svevus; expetens admitti in Societatem.

29. Nicolaus sartor, externus.

Praeter hos est puer boemus, affinis D. Balthasari [Hostovinus], pauper, qui tamen non commedit panem ociosus, et aliquando it ad scholam, non malae spei; retinetur autem in collegio quoniam longe abest a domo, et si excluditur, timetur perditio illius. [33r]

Bartholomeus [Weissagius] glacensis, qui in superiore cathalogo fuit magister humanitatis, missus est Viennam ad audiendum cursum.

Matthias Haslerus, qui fuit magister primae classis, profectus est cum Patre Provinciale ad collegium vilnense in Lituaniam.

Georgius Hakius auditor rhetorices missus est Pragam ad regendam unam grammatices classem.

Engelhardus Schiltz magister principiorum, et Leopoldus [Kornthein] missi sunt Pragam ad domum probationis. Omnes isti missi sunt in maio.