[1584 - OLOMOUC]

Catalogus personarum collegii Olomucensis

anno 1584

Catalogus collegii olomucensis pro anno 1584 per procuratorem missus

1. R. P. Alexander Höllerus austriacus viennensis, annorum 44, mediocribus viribus. Est in Societate ab anno 1559. Studuit extra Societatem usque ad philosophiam inclusive, Romae in Societate sex annis cum dimidio operam litteris dedit, quo tempore absolvit cursum philosophiae et theologiae. Est magister artium. Fuit magister novitiorum tribus annis cum dimidio, rector brunensis 8 fere annis, fuit in missione Olomutii antequam collegium fundaretur, itidem Brunae duobus annis, legit philosophiam per medium annum. Est quatuor annis rector Olomutii. Professus 4 votorum 1570.

2. P. Thomas Williams anglus oxoniensis annorum 45, mediocribus viribus. Venit ad Societatem 1564. Studuit extra Societatem a puero; in Societate Romae 5 annis philosophiae et theologiae, itidem 5 annis theologiae Viennae, aliis interim ministeriis occupatus. Fuit per annum Viennae subminister, subregens ibidem per triennium, per octennium vero Olomutii subregens. Docuit in syntaxi per annum, mathesin 4 annis. Scholasticus approbatus 1569. Est a duobus annis minister.

3. P. Hurtadus Pérez hispanus de Mula, annorum 58, infirmis viribus. Venit ad Societatem 1553. Sesquitertio anno extra Societatem humanioribus studuit, cursui tribus annis, quartum annum cursus in Societate, theologiae, mathematicis et graecis 19 mensibus. Est magister artium. Docuit graeca Ingolstadii per hyemem, per hyemem de sacramentis Olomutii, theologiam per 4 menses, logicam per annum, similiter catechismum, confessarius per biennium, vicerector per 8 menses, minister per sesquialterum annum, rector tirnaviensis 4 annis et rector olomucensis 13 annis. Professus quatuor votorum 1567.

4. P. Balthazar Ostovinus boëmus ostovinus, annorum 49, bonae valetudinis. Venit ad Societatem 1555. Audivit extra Societatem humaniorum litteras, in Societate rhetoricam per annum, philosophiam per tres et dimidium, theologiam per triennium. Magister artium, doctor theologiae. Docuit graeca anno uno, catechismum anno uno, concionator egit iam novem annis. Fuit superintendens Poloniae usque ad adventum provincialis, vicerector per annum, regens convictorum per 6 annos, in variis missionibus ab anno 78 usque ad 84. Professus quatuor votorum 1570.

5. P. Ioannes Rabenstain franco ex Franconia, annorum 50, valetudinarius. Venit ad Societatem 1559. Studuit extra Societatem humanioribus et parti philosophiae 5 annis, cursum absolvit in Societate, theologiam per annum audivit. Magister est artium, licentiatus theologiae. Docuit philosophiam per biennium, theologiae per triennium, mathematicam per annum, casus conscientiae per quatuor annos. Fuit Dilingae regens per 5 annos, concionator ab aliquot annis, procurator semel Bavariae, rector halensis tribus annis, ingolstadiensis 8 annis, aenipontanus 6, per annum viceprovincialis. Professus 4 votorum 1570.

6. P. Laurentius Norvegus ex Asloia, annorum 45, sanus est. Venit ad Societatem 1564. Audivit extra Societatem philosophiam et aliquid ex theologia. In Societate theologiam positivam et scholasticam. Est magister artium. [31v] Casus conscientiae anno uno docuit, theologica 4 annis, mathesin per duos cursus, concionator 5 annis, praefectus scholarum ab anno, catechismum ab anno legit. Docuit rhetoricam et philosophiam. Professus est quatuor votorum 1575.

7. P. Georgius Duras flander ex Duras, annorum 35, mediocris valetudinis. Iniit Societatem 1567. Studuit extra Societatem latinitati et philosophiae a puero, in Societate theologiae 4 annis. Est magister artium. Baccalaureus theologiae. Docuit rhetoricam per medium annum, humanitatem per annum. Fuit minister collegii per annum, regens seminarii per biennium. Docuit per annum catechismum et theologiam. Est scholasticus approbatus 1569.

8. P. Balthazar Sumereier bavarus ex Paretia annorum 48, valetudinarius. Adscriptus Societati 1556. Est magister artium parisiensis. Docuit in omnibus classibus usque ad philosophiam, lector haebraicus et graecus multo tempore. Praefectus convictorum, minister collegii. Est in missionibus a biennio. Scholasticus approbatus.

9. P. Petrus Ederus austriacus ex Ried, annorum 42, virium mediocrium. Ingressus est Societatem 1561. Studuit grammaticis extra Societatem 6 annis, in Societate rhetoricae duobus annis, cursui philosophiae toti, casibus et controversiis per annum. Docuit grammaticam et syntaxin medio anno, principia 13 annis et ultra. Concionatus est multis annis variis in locis. Est confessarius ordinarius germanicus. Scholasticus probatus 1567.

10. P. Gasparus Sobolius polonus bidisdiensis annorum 37, bonarum virium sed surdaster. Iniit Societatem 1567. Extra Societatem usque ad humanitatem studuit, in Societate humanitati et rhetoricae per medium annum, philosophiam absolvit, theologiam triennio audivit. Est magister artium. Docuit principia uno anno, grammaticam duobus et medio, syntaxin duobus et medio, humanitatem 4, rhetoricam medio, catechismum duobus, philosophiam duobus. Scholasticus est approbatus 1569.

11. P. Leopoldus Caesar austriacus ex Wadhaffen, annorum 36, sanus est. Iniit Societatem 1563. A puero grammaticis extra Societatem studuit, in Societate humanitati anno uno, rhetoricae duobus, absolvit cursum, theologiae tribus annis studuit. Principia docuit medio anno, grammaticam duobus, syntaxin tribus, positivam theologiam uno, casus conscientiae duobus, concionatur 6 annis cum dimidio. Scholastica habet vota 1567.

12. P. Lambertus Fabius leodiensis ex Lemonia, annorum 36, valetudinarius. Iniit Societatem 1570. Humanioribus extra Societatem studuit 6 annis, rhetoricae per annum, cursum absolvit, theologiam per 8 menses. Magister est artium. Docuit usque ad rhetoricam exclusive ab anno 70 usque ad 78, controversias per annum, epistolas D. Pauli ad Timoteum et casus conscientiae uno anno, praefectus seminarii per annum, minister collegii novem mensibus. Est praefectus spiritualium rerum et confessanus fratrum. Scholasticus probatus 1582. Est praefectus spiritualium rerum et confessarius fratrum. Scholasticus probatus 1582.

13. P. Marinus Salitius italus portulacensis, annorum 33, bonis viribus. Venit ad Societatem 1573. Studuit a puero extra Societatem usque ad humanitatem, in Societate audivit cursum totum theologiam sesquialtero anno. Docuit in grammatica per annum, docet in principiis. Factus scholasticus approbatus 1575.

14. P. Petrus Gastius lusatius budissinensis, annorum 27, valetudinarius. [32r] Iniit Societatem 1574. Studuit usque ad theologiam extra Societatem, in Societate audivit philosophiam totam, theologiam per sesquitertium annum. Magister est artium. Docuit in syntaxi medio anno, in humanitate anno uno, graeca et controversias anno uno. Docet logicam. Scholasticus 1580.

15. P. Bartholomaeus Weissagius gatzensis ex civitate Glatz, annorum 45, mediocribus viribus. Societati adscriptus est 1562. Studuit a puero extra Societatem usque ad philosophiam inclusive 8 annis, in Societate absolvit cursum, audivit theologiam sesquialtero anno, et quaedam ex 1a et 3a parte D. Thomae usque ad Sacramentum Eucharistiae. Docuit principia uno anno, grammaticam et syntaxin quadriennio, humanitatem et rhetoricam pluribus annis, fuit praefectus studiorum, concionatus est ab aliquot annis in diversis locis. Docet controversias ab anno uno. Factus est scholasticus approbatus 1567.

16. P. Petrus Torrentinus geldrus ex Vancadio, annorum 36, bonae valetudinis. Admissus in Societatem 1573. Studuit latinis et graecis litteris et cursui philosophiae 9 annis, theologiae per biennium. Docuit humanitatem et rhetoricam 5 annis, docuit graeca per annum. Est regens seminarii. Scholasticus 1575 approbatus.

17. P. Georgius Schreindelius carinthius gamundensis, annorum 28, valetudinarius. Ingressus Societatem 1583. Studuit humanioribus 5 annis, philosophiae 3, theologiae uno, extra Societatem. Docuit in principiis medio anno, docet grammaticam. Vota simplicia 1584.

18. P. Ioannes Stephanus Leiva boëmus pragensis, 34 annorum, bona valetudine. Iniit Societatem 1566. Studuit a puero usque ad humanitatem, in Societate duobus annis humanitati, rhetoricae anno uno, philosophiae usque ad quartum physicorum, theologiae per annum. Docuit principia 7 annis, parvam scholam medio anno. In missionibus duobus annis, concionator boëmus 4 annis. Scholastica vota fecit 1569.

19. P. Bernardus Rueff rhenanus phorcensis, annorum 34, valetudinarius. Amplexus Societatem 1579. Studuit extra Societatem a puero humanioribus, cursui toti, theologiae medio anno, controversiis biennio. Docuit in principiis anno uno, concionator extraordinarius ab aliquo tempore. Scholasticus factus 1582.

20. Iodocus Brantt gandavensis, annorum 28, vires bonas. Venit ad Societatem 1579. Studuit extra Societatem humanioribus et toti cursui 9 annis, theologiae 9 mensibus. Licentiatus philosophiae. Docuit 3 annis grammaticam extra Societatem, in Societate duobus annis humanitatem, duobus etiam rhetoricam. Scholasticus 1583 factus.

21. Ioannes Limander westphalus ex Hattingen, annorum 24, sanus est. Iniit Societatem 1580. Audivit extra Societatem humaniores litteras et philosophiam 8 annis, in Societate medio anno casus et controversias. Est magister artium. Docet humanitatem biennio. Scholasticus approbatus 1583.

22. Theodorus Vytgest holandus leidensis, annorum 25, sanus est. Studuit extra Societatem usque ad theologiam a puero, in Societate uno anno theologiam. Magister est artium. Docet syntaxin Olomutii. Habet vota simplicia ab 1583. Societati nomen dedit anno 1581. [32v]

23. Stanislaus Woitowski polonus ex Woestokow, annorum 20, robustus. Venit ad Societatem 1583. Studuit extra Societatem usque ad syntaxin. Est magister infimae classis. Fecit vota simplicia 1584.

24. Petrus Bastius prutenus warmiensis, annorum 26, firmae valetudinis. Admissus in Societatem 1576. Studuit extra Societatem usque ad humanitatem, in Societate humanitati uno anno, rhetoricae sesquialtero, studet philosophiae biennio. Docuit syntaxin sesquialtero anno. Scholasticus factus 1580.

25. Ioannes Victoria austriacus viennensis, annorum 25, valetudinarius. Venit ad Societatem 1577. Studuit a puero usque ad humanitatem, humanitati biennio, rhetoricae biennio, philosophiae a biennio studet. Scholasticus approbatus 1579.

26. Stephanus Todd hungarus ex Cassovia, annorum 22, valetudine valet. Adscriptus Societati 1577. Studuit extra Societatem usque ad rhetoricam, in Societate rhetoricae sesquialtero anno. Studet philosophiae biennio. Docuit syntaxin sesquialtero anno. Scholasticus 1580.

27. Guilhelmus Dreschaff austriacus viennensis, annorum 24, valetudine media. Adnumeratus Societati 1578. Studuit extra Societatem usque ad humanitatem, in qua sesqui altero anno versatus, in Societate humanitati medio anno rhetoricae sesquialtero, philosophiae studet biennio. Scholastica vota habet 1580.

28. Gabriel Trelodius svecus sudescopiensis, annorum 25, bonis viribus. Venit ad Societatem 1580. Studuit humanioribus extra Societatem a puero, in Societate in rhetorica medio anno. Audit biennio cursum. Scholasticus factus 1582.

29. Leonardus Sartorius franco ex Midenperg, annorum 26, sanus. Venit ad Societatem 1581. Studuit a puero fere usque ad philosophiam extra Societatem. Studet biennio ad philosophiae. Scholasticus 1583.

30. Petrus Dionanti leodiensis höensis, annorum 27, valet corpore. Admissus in Societatem 1577. Studuit grammaticis extra Societatem, in Societate humanitati per annum, rhetoricae biennio, studet logicae. Factus scholasticus 1580. Docuit principia anno uno, grammaticam medio anno.

31. Georgius Fredlerus prutenus reseliensis, annorum 26, valetudine mediocri. Adscriptus Societati 1579. Studuit extra Societatem usque ad rhetoricam exclusive, studet logicae, grammaticam medio, syntaxin sesquialtero anno docuit. Scholasticus 1581.

32. Florianus Avancinus italus tridentinus, annorum 22, bonis viribus. Societati nomen dedit 1581. Studuit extra Societatem usque ad rhetoricam inclusive, in Societate rhetoricae per annum, studet logicae. Factus scholasticus 1584.

33. Nicolaus Racovius ex Racow polonus, annorum 20, sanus. Venit ad Societatem 1581. Operam dedit studiis extra Societatem usque ad humanitatem, in Societate humanitati medio anno, rhetoricae anno uno, studet logicae. Scholasticus 1583.

34. Balthazar Czando ungarus ex Kopczan, annorum 17, bonis viribus. Venit ad Societatem 1581. Studuit grammaticis extra Societatem 5 annis, studet poësi. Habet vota simplicia 1583.

35. Ioannes Andraeas Zeltingerus rhenanus spirensis, annorum 24, sanus. Ingressus Societatem 1580. Studuit extra Societatem usque ad [33r] rhetoricam inclusive, audit casus et controversias. Docuit principia sesquialtero anno, rursum principia per annum. Est viceregens in Seminario. Scholasticus 1582 factus.

36. Paulus Mislisovius polonus ex Mislisow, annorum 21, sanus. Venit ad Societatem 1581. Studuit extra Societatem usque ad syntaxin, in Societate aliquo tempore in poësi. Habet vota simplicia 1582.

37. Christophorus Mihel tirolensis ex Reite, annorum 48, mediocriter fortis. Venit ad Societatem 1561. Novit parum legere germanice, vix pingere litteras. Est arte sartor, sacristanus a multis annis, coadiutor formatus 1569.

38. Ioannes Senser bavarus ex Mildorff annorum 34, valetudinis bonae, ingressus Societatem 1571. Novit legere germanice et parum latine. Fuit per aliquot annos in culina. Ianitor et est compactor librorum arte sua. Vota simplicia 1574.

39. Ioannes Schne bavarus ex Yrpa, annorum quadraginta unius, mediocris valetudinis. Venit ad Societatem 1571. Est arte pistor, quam exercet, est emptor collegii. Vota simplicia 1574.

40. Ioannes Schmid svevus augustanus, annorum 40, mediocris valetudinis. Venit ad Societatem 1575. Artificio est arcularius et exercet. Vota simplicia 1575.

41. Ioannes Ruel dumbergensis rhenanus, annorum 26, sanus. Venit ad Societatem 1578. Arte sartor. Egit cocum. Exercuit artem pistoriam in collegio. Habet vota simplicia 1579.

42. Abraham Brauniker tirolensis aenipontanus, annorum 28, integris viribus. Societati adscriptus 1578. Novit legere et scribere optime germanice, in variis officiis coadiutorum exercitatus. Habet vota simplicia 1579.

43. Paulus Rosenbalt prutenus braunspergensis, annorum 26, firmus corpore. Iniit Societatem 1579. Studuit usque ad syntaxin extra Societatem. Novit aliquantum artem sutoriam. Est ianitor. Habet vota simplicia 1581.

44. Lucas Roll svevus ex Kunsperg, annorum 26, sanus. Societatem ingressus 1581. Duobus annis cocus est. Est arte cultrarius. Simplicia vota habet 1583.

45. Andreas Osterrodt germanus moguntinensis, annorum 28, valetudine bona. Venit ad Societatem 1582. Studuit usque ad syntaxin extra Societatem. Arte vietor. Habet vota simplicia 1583.

46. Martinus Klos silesita nissenus, annorum 22, valet corpore. Societati nomen dedit 1583. Novit aliquid legere germanice. Est arte sartor. Novitius.

47. Gasparus Winklerus austriacus viennensis, infirmus, non bene compos mentis.