[ANNALES Pragenses]
894. Hoc anno baptizatus est Borivoi, primus christianus in Boemia, cum
uxore sua Ludmila, ex qua natus est Wratiszlaus, pater sancti Wenceslai.
901. Alfonsus imperator obiit.
910. Ludowicus pugnavit contra Ungaros.
911. Ludowicus rex obiit, cui Conradus successit.
912. Ungari Franciam vastaverunt.
915. Bellum fuit in Hersburch.
919. Conradus rex obiit, cui Henricus successit.
929. Sanctus Wenceslaus martirizatus est. Consecratio ecclesie sancti Viti a
Tutone episcopo Ratisponensi, per Boleszaum fratricidam.
931. Translatio sancti Wenceslai de Boleszau in Pragam.
933. Ungarorum exercitus a Henrico interfectus est.
934. Henricus rex Danos subiecit.
935. Henricus rex obiit.
939. Sol visus est minutus.
941. Comete apparuerunt.
945. Legati Grecorum ad regem Ottonem cum muneribus venerunt.
950. Bellum magnum factum est inter Bavaros et Ungaros.
966. Hoc anno constitutus est Pragensis episcopatus. Dethmarus primus
Pragensis episcopus.
968. Sanctus Adalbertus secundus Pragensis episcopus.
973. Otto primus imperator obiit.
981. Slaunic, pater sancti Adalberti, obiit.
984. Otto primus cesar Rome extitit.
987. Strezslaua, mater sancti Adalberti, obiit.
990. Professio sancti Adalberti. Nemcis perdita est.
995. Lubic perdita est.
997. Sanctus Adalbertus martirizatus est.
998. Tyadagus tertius episcopus successit..
999. [Silvester II.] Iste fuit Gilbertus, tempore cuius impletus est annus
millesimus ab incarnatione domini.
1017. Tyadagus episcopus obiit, cui successit Heccardus.
1024. Heccardus quartus episcopus obiit. Cui Izo successit quintus.
1030. Izo episcopus obiit. Severus sextus successit.
1031. Severus episcopus ordinatus est.
1036. Odaldricus dux obiit, cui Bretizslaus filius eius successit.
1037. Boleszaus dux cecus obiit.
1038. Jaromyr dux cecus obiit.
1039. Sanctus Adalbertus translatus est de Polonia in Boemiam per Brecizlaum
ducem.
1042. Teutonici vastaverunt Boemiam.
1044. Brecizlaus fecit plagam super Ungaros.
1053. Domnus Procopius, felicis memorie abbas Zazavensis, viam universe
carnis ingressus est.
1054. Brecizlaus dux obiit, cui Spitigneus successit.
1059. Spitigneus vastavit Moraviam.
1060. Spitigneus dux obiit, cui Wratizlaus successit.
1066. Severus episcopus obiit, cui Gebehardus septimus successit.
1069. Gebehardus episcopus ordinatus est.
1074. Gebehardus episcopus Romam adiit, pulsus a sede sua; set restituitur a
Gregorio papa.
1087. Otto, dux Moravie, obiit.
1088. Wratizlaus unctus est in regem.
1090. Gebehardus episcopus obiit, cui Cosmas successit.
1091. Monasterium Pragense sancti Viti incendio corruit.
1094. Wratizlaus rex obiit, cui Conradus successit et obiit. Bretizlaus
intronizatur.
1095. Cosmas ordinatur.
1096. Mortalitas hominum facta est. Judei baptizati sunt.
1097. Cosmas episcopus obiit, cui Hermannus nonus successit.
1100. Hermannus episcopus ordinatus est. Geto ep..
1106. Henricus cesar obiit.
1107. Boryuoi dux de solio pellitur, Zuatopluk intronizatur.
1117. Terre motus fuit per multa loca.
1118. Borivoy dux recepit ducatum.
1122. Hermannus episcopus obiit. Meinnardus successit decimus.
1124. Borivoy dux obiit.
1125. Wladizlaus dux obiit, Zobeslaus successit.
1126. Oto, dux Moravie, interfectus est.
1130. Meinnardus episcopus, Pribislaua perrexit Hierosolimam.
1133. Sol visus est minutus.
1134. Meinnardus episcopus obiit. Johannes XI succesit, et hoc anno
ordinatus est IX Kal. Maii.
1139. Johannes episcopus obiit. Silvester, Procopiensis abbas, eligitur, non
tamen ordinatus mansit, et postea reversus est in abbatiam.
1142. Bellum actum est inter Boemos et Moravos.
1143. Legatus apostolicus destruxit convivia sacerdotum.
1147. Wladizlaus dux Hierosolimam perrexit, contra paganos pugnaturus.
1148. Otto episcopus XII obiit. Daniel successit XIII.
1149. Daniel episcopus ordinatur. Tungdalus visionem vidit.
1157. Spitigneus dux obiit. Wladizlaus dux cesari Poloniam subegit.
1158. Wladizlaus factus est rex, Mediolanum adiit.
1160. Hoc anno Mediolano Daniel praesul redit.
1164. Wladizlaus rex terram Hunorum intravit, regem Grecorum ex ea
perturbavit, Ungarorum optimates pacificavit.
1168. Teobaldus dux et Daniel episcopus in Ytalia obierunt, cui Fridricus
XIV successit.
1172. Wladizlaus rex cum cesare Poloniam intravit.
1174. Sobeslaus a vinculis dimittitur et dux constituitur.
1175. Oldaricus dux, frater Sobezlai, profectus est Mediolanum.
1176. Sobezlaus dux vastavit incendio Austriam.
1177. Nimia siccitas attenuavit fruges. Oldaricus dux a fratre suo capitur;
ipse a perfidis Boemis de solio pellitur. Fridericus, filius regis Wladizlai,
intronizatur.
1180. Fridericus episcopus obiit. Valentinus XVus successit.
1182. Valentinus episcopus obiit. Henricus XVIus successit, qui in
episcopatu ducatum optinuit postea.
1183. Conradus, dux Moravie, Pragam obsedit.
1184. Boemi cum Moravis bellum commiserunt.
1185. Wencezlaus dux Pragam coactus obsedit, et spe fraudatus recessit.
1186. Eclypsis solis fuit; inde mortalitas hominum facta est.
1187. Hoc anno capta est terra Jerosolimitana a Sarracenis.
1189. Romanus imperator contra paganos pugnaturus, ultra mare viam tenuit,
et ibi naufragio vitam finivit, et in Anthyochia quiescit. Quem etiam multi
nobiles Boemi cum duce Theobaldo secuti, inopinata morte sunt preventi.
Fridericus dux obiit. Conradus, Moravie laudabilis dux, successit. Teobaldus
recepit provincias. Hoc anno Fridericus imperator in Saretico fluvio submersus
est.
1190. Dux Conradus cum filio imperatoris in Apuliam est profectus, ubi
famosissimum de se referens triumphum, heu inmatura morte est praeventus,
ossaque delata sunt Prage sua tumulata.
Quique gemant flentes super hunc et corde dolentes.
Ach! ach! Conrade dux crebro commemorande,
Vivas in Christo, mundo translatus ab isto!
1191. Wencezlaus dux in solio consedit dux; (quod) vix in tribus mensibus
possedit.
1192. Wencezlaus dux de solio pellitur. Premizl dux efficitur. Civitas
Pragensis obsidione circumdatur, nec capitur. Tandem post tres menses, ipso
duce Wencezlao permittente, per internuntium imperatoris in manus domini
episcopi traditur.
1193. Hoc anno intrante Martio dominus episcopus ad imperatoris curiam
regreditur, et inde intrante Augusto cum magna gloria et honore in Boemiam cum
ducello Spitigneo revertitur, gestans ab imperatore sibi tradita vexilla
ducatus; non tamen omittens nomen et dignitatem sui episcopatus.
1216. Hoc anno Andreas, episcopus Pragensis, opposuit se Ottakro, regi
Boemie, et magnatibus eius pro libertate Pragensis aecclesie, et exilium petiit
VII Kal. Novembr.
1217. Hoc anno facto interdicto, Andreas, Pragensis episcopus, venit Romam
cum uno monacho de Ebra, et uno clerico Vincentio nomine, canonico sancti
Antonii, XII Kal. Aprilis ad prosequendas iniurias ecclesie Pragensis.
1218. Otto imperator obiit, depositus et excommunicatus.
1220. Hoc anno capta fuit Damiata, civitas Egipti a christianis.